ವಿಧಾನ ಸಭೆ ಸದಸ್ಯರ | ಅರ್ಹತೆ | ಅಧಿಕಾರ | ಚುನಾವಣೆ 2023

 ವಿಧಾನ ಸಭೆಯ ರಚನೆ 

 ಸಂವಿಧಾನದ ಅನುಚ್ಛೇದ 170ರ ಪ್ರಕಾರ ಪ್ರತಿ ರಾಜ್ಯದಲ್ಲಿ ಒಂದು ವಿಧಾನಸಭೆ ಇರತಕ್ಕದ್ದು. ವಿಧಾನ ಸಭೆ ರಚಿಸಲು ಕನಿಷ್ಠ 60 ಸದಸ್ಯರು ಹಾಗೂ ಗರಿಷ್ಟ 500 ಸದಸ್ಯರನ್ನೂಳಗೊಂಡಿರಬೇಕು. 60ಕ್ಕಿಂತ ಕಡಿಮೆ ಸದಸ್ಯರನ್ನು ಹೊಂದಿರುವ ವಿಧಾನ ಸಭೆಗಳೆಂದರೆ 

   ● ಗೋವಾ  -  43 ಸದಸ್ಯರು 

   ● ಮಿಜೋರಾಂ   -  42 ಸದಸ್ಯರು 

   ● ಸಿಕ್ಕಿಂ   -  32 ಸದಸ್ಯರು 

◆ ವಿಧಾನಸಭೆಯ ಸದಸ್ಯರ ಅರ್ಹತೆಗಳು 

   ● ಭಾರತೀಯ ಪ್ರಜೆಯಾಗಿರಬೇಕು 

   ● ಕನಿಷ್ಠ 25 ವರ್ಷ ವಯಸ್ಸಾಗಿರಬೇಕು 

   ● ಸರಕಾರದ ಲಾಭದಾಯಕ ಹುದ್ದೆ ಹೊಂದಿರಬಾರದು 

   ● ನ್ಯಾಯಾಲಯದ ಶಿಕ್ಷೆಗೆ ಒಳಗಾಗಿರಬಾರದು 

   ● ಮತಿಭ್ರಮಣ ವ್ಯಕ್ತಿಯಾಗಿರಬಾರದು 

◆ ವಿಧಾನ ಸಭೆಯ ಅವಧಿ ( ಅನುಚ್ಛೇದ 172 ) 

ವಿಧಾನ ಸಭೆಯ ಅವಧಿ ಐದು ವರ್ಷಗಳು, ತುರ್ತುಪರಿಸ್ಥಿತಿಯಲ್ಲಿ ಈ ಅವಧಿಯನ್ನು ಹೆಚ್ಚಿಸಬಹುದು ಆದರೆ ತುರ್ತು ಪರಿಸ್ಥಿತಿ ರದ್ದಾದ ಆರು ತಿಂಗಳ ಒಳಗಾಗಿ ಚುನಾವಣೆಯನ್ನು ನಡೆಸಬೇಕಾಗುತ್ತದೆ. ರಾಜ್ಯಪಾಲರು ವಿಧಾನಸಭೆಯನ್ನು ಅವಧಿಗೆ ಮುಂಚಿತವಾಗಿ ವಿಸರ್ಜಿಸ ಬಹುದು. ಐದು ವರ್ಷಗಳ ಅವಧಿಯಲ್ಲಿ ತುರ್ತು ಪರಿಸ್ಥಿತಿ ಜಾರಿಯಲ್ಲಿದ್ದರೆ ಸಂಸತ್ತಿನಿಂದ ಅದರ ಅವಧಿ 1 ಬಾರಿಗೆ ಒಂದು ವರ್ಷಕ್ಕೆ ಹೆಚ್ಚಿಲ್ಲದಂತೆ ವಿಸ್ತರಿಸಲ್ಪದಬಹುದು. 

◆ ವಿಧಾನ ಸಭೆಯ ಅಧಿವೇಶನಗಳು 

  ವಿಧಾನ ಸಭೆ ವರ್ಷದಲ್ಲಿ ಕನಿಷ್ಠ ಮೂರು ಬಾರಿ ಸೇರಬೇಕು ಮತ್ತು ಎರಡು ಅಧಿವೇಶನಗಳ ನಡುವಿನ ಅಂತರ ಆರು ತಿಂಗಳು  ಗಿಂತ ಅಧಿಕವಾಗಬಾರದು ಅಥವಾ  ಮೀರಬಾರದು 

◆ ವಿಧಾನ ಸಭೆಯ ಅಧಿಕಾರ ಮತ್ತು ಕಾರ್ಯಗಳು 

● ವಿಧಾನ ಸಭೆ ರಾಜ್ಯ ಪಟ್ಟಿ ಹಾಗೂ ಸಮಾವರ್ತ ಪಟ್ಟಿಯಲ್ಲಿ ಸಮೂದಿಸಿದ ವಿಷಯಗಳ ಬಗ್ಗೆ ಕಾನೂನುಗಳನ್ನು ಮಾಡಬಹುದು.

● ಹಣಕಾಸು ಮಸೂದೆಯನ್ನು ಮಂಡಿಸಲಾಗುತ್ತದೆ.

● ಪ್ರಶ್ನೆ ಕೇಳುವ, ಅವಿಶ್ವಾಸ ನಿರ್ಣಯ ಮಾಡಿಸುವ ಇತ್ಯಾದಿಗಳ ಮೂಲಕ ವಿಧಾನಸಭೆ ಮಂತ್ರಿಮಂಡಲದ ಮೇಲೆ ನಿಯಂತ್ರಣ ಹೊಂದಿದೆ.

● ವಿಧಾನ ಸಭೆ ಅದರ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರನ್ನು ಚುನಾಯಿಸುತ್ತದೆ 

◆ ವಿಧಾನ ಸಭೆಯ ಅಧ್ಯಕ್ಷರು 

 ವಿಧಾನ ಸಭೆಯ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರು ಪಕ್ಷ ರಾಜಕೀಯದಿಂದ ದೂರವಿದ್ದು, ಎಲ್ಲ ಗುಂಪುಗಳ ಗೌರವಕ್ಕೆ ಪಾತ್ರರಾಗುವಂತಿರಬೇಕು. ಈ ಉನ್ನತ ಪದವಿಗಳ ಲಕ್ಷಣಗಳೆಂದರೆ : ಗೌರವ, ಸ್ವಾತಂತ್ರ್ಯ ಮತ್ತು ಪಕ್ಷಪಾತ ರಾಹಿತ್ಯತೆ. 

◆ ವಿಧಾನ ಸಭೆಯ ಅಧ್ಯಕ್ಷರ  ಅಧಿಕಾರಗಳು / ಕಾರ್ಯಗಳು 

● ಸದನದ ಕಲಾಪಗಳನ್ನು ಕ್ರಮಬದ್ಧವಾಗಿ ನಡೆಸುತ್ತಾರೆ ಮತ್ತು ಸದನದ ವ್ಯವಹಾರಗಳನ್ನು ನಿಯಂತ್ರಿಸುತ್ತಾರೆ 

● ಸದನದ ನಿರ್ಣಯಗಳಲ್ಲಿ ಮತಗಳ ಸಮಸಂಖ್ಯೆಯಾದಾಗ ಅಧ್ಯಕ್ಷರು ತಮ್ಮ ನಿರ್ಣಾಯಕ ಮತವನ್ನು ಚಲಾಯಿಸುತ್ತಾರೆ.

● ಸದನದ ಪ್ರತಿಯೊಂದು ಕಾರ್ಯಸೂಚಿಗೆ ಸಮಯದ ಹಂಚಿಕೆ ವಿಷಯದಲ್ಲಿ ಸಭಾಧ್ಯಕ್ಷರ ನಿರ್ಣವೇ ಅಂತಿಮ. ಎಲ್ಲ ಸಮಿತಿಗಳ ಅಧ್ಯಕ್ಷರನ್ನು ನೇಮಿಸುತ್ತಾರೆ.

● ಎಲ್ಲಾ ನಿರ್ಣಯಗಳ ಚರ್ಚೆಗೆ ಸಭಾಧ್ಯಕ್ಷರು ಅನುಮತಿ ಕೊಡುತ್ತಾರೆ. 

● ಸಭಾಧ್ಯಕ್ಷರು ವಿಧಾನಸಭೆಯ ಸದಸ್ಯರ ಹಕ್ಕುಗಳು ಮತ್ತು ಸ್ಥಾನಮಾನಗಳ ಪಾಲಕರು.

● ಸದನ ಅಂಗೀಕರಿಸಿದ ಮಸೂದೆಯನ್ನು ರಾಜ್ಯಪಾಲರ ಅಂಗೀಕಾರಕಾಗಿ ಕಳಿಸುವ ಮುನ್ನ ಸಭಾಧ್ಯಕ್ಷರು ಅದನ್ನು ತನ್ನ ಸಹಿ ಹಾಕಿ ಪ್ರಮಾಣಿಕರಿಸುತ್ತಾರೆ. 

● ಯಾವುದೇ ಮಸೂದೆ ಧನ ಮಸೂದೆ ಹೌದು ಅಥವಾ ಅಲ್ಲ ಎಂಬ ಬಗೆಗೆ ಸಭಾಧ್ಯಕ್ಷರ ನಿರ್ಣಯವೇ ಅಂತಿಮ.

● ಸದನದ ಸದಸ್ಯರು ಕಳುಹಿಸುವ ರಾಜೀನಾಮೆ ಪತ್ರಗಳನ್ನು ಸ್ವೀಕರಿಸುತ್ತಾರೆ. 

● ಪಕ್ಷಾಂತರದ ಕಾರಣದಿಂದ ಉದ್ಭವವಾಗುವ ಯಾವುದೇ ಸದಸ್ಯನ ಅರ್ಹತೆಯ ಪ್ರಶ್ನೆಯನ್ನು ತೀರ್ಮಾನಿಸುವಲ್ಲಿ ಸಭಾಧ್ಯಕ್ಷರಿಗೆ ಹೆಚ್ಚಿನ ಅಧಿಕಾರವಿದೆ. 

ವಿಧಾನ ಸಭೆಯ ಚುನಾವಣೆಯ ಮಾಹಿತಿ | karnataka Assembly Elections 2023 : Voting date and result 

ಕರ್ನಾಟಕದಲ್ಲಿ ಮೇ 10 ರಂದು ಒಂದೇ ಹಂತದಲ್ಲಿ ವಿಧಾನಸಭೆ ಚುನಾವಣೆ ನಡೆಯಲಿದ್ದು, ಮೇ 13 ರಂದು ಫಲಿತಾಂಶ ಪ್ರಕಟವಾಗಲಿದೆ ಎಂದು ಚುನಾವಣಾ ಆಯೋಗ ಬುಧವಾರ ಪ್ರಕಟಿಸಿದೆ.